Ба гузориши Хабарагензии байналмилалии Аҳли Байт(а) - ИБНО - Забиҳуллоҳ Муҷоҳид, сухангӯи ҳукумати сарпарасти Афғонистон, дар гуфтугӯи ахири худ бо бахши пуштуи Радиои Эрон (Радиои Теҳрон), дар бораи шиддатҳои афзояндаи миёни Иёлоти Муттаҳидаи Амрико ва Ҷумҳурии Исломии Эрон изҳори назар кард.
Вай дар посухи хабарнигор ба ин суол, ки дар ҷанги эҳтимолии Эрон ва Амрико кадом тарафро хоҳанд гирифт? Гуфт, ки Иморати Исломӣ ва мардуми Афғонистон тарафдори ҷанг ва даргирӣ нестанд ва умедворанд ҳеҷ ҷанге миёни Эрон ва Амрико рух надиҳад.
Вай идома дод: Бо ин ҳол, агар ҳамлаи эҳтимолии Амрико ба Эрон иттифоқ афтад ва Теҳрон дархости кумак кунад, "мардуми Афғонистон омодаанд дар ҳадди тавони худ бо миллати Эрон ҳамдардӣ ва ҳамкорӣ дошта бошанд."
Муҷоҳид таъкид кард, ки Эрон дар ҷанги 12 рӯзаи ахир бо Исроил (ва даргириҳои марбут ба Амрико) пирӯз буд ва аз он ҷо ки "тавон дорад, барҳақ аст ва ҳаққи дифоъ аз худро дорад" дар сурати ҳамлаи Амрико, дубора пирӯз хоҳад шуд.
Your Comment