Макрон: Идомаи музокироти сулҳ ба вокуниши Русия ба тавофуқи оташбас вобаста аст!

Ба гузориши хабаргузории Абно ба нақл аз Алҷазира, Эммануэл Макрон, раиси ҷумҳури Фаронса, имрӯз шанбе дар суханоне эълон кард: «Оташбас миёни Русия ва Украина бояд бидуни қайду шарти бошад. Шартгузориҳо барои оташбас миёни Русия ва Украина моро аз сулҳ дуртар мекунад.»

Раиси ҷумҳури Фаронса дар ин бора идома дод: «Украина бояд ҳамчунон мавриди пуштибонӣ қарор гирад ва тавоноиҳои низомии ин кишвар тақвият шавад. Идомаи музокироти сулҳ ба вокуниши Русия ба тавофуқи оташбас вобаста аст!»

Ба гузориши Алъарабия, пас аз дидори имрӯз шанбеи сарони кишварҳои Фаронса, Англия, Олмон ва Лаҳистон дар Киев, Эммануэл Макрон, раиси ҷумҳури Фаронса, аз пойтахти Украина эълон кард, ки Вашингтон бо ҳамкорӣ бо Аврупо бар оташбаси 30-рӯзаи пешниҳодшуда аз сӯи Доналд Трамп, раиси ҷумҳури Амрико, назорат хоҳад кард.

Эммануэл Макрон ҳамчунин ба Русия ҳушдор дод, ки «дар сурати нақзи ин оташбас, кишварҳои аврупоӣ тавофуқ кардаанд, ки таҳримҳои густарда ва ҳамоҳанг бо Амрикоро омода кунанд.»

Ин дар ҳолест, ки қаблан сарони 4 кишвари аврупоӣ, аз ҷумла Фаронса, Олмон, Англия ва Лаҳистон, бо ҳадафи фишор бар Русия барои эҷоди оташбаси фарогир ва гуфтугӯ бо «Володимир Зеленский», раиси ҷумҳури Украина, ба Киев, пойтахти Украина омаданд ва омодагии худро барои пуштибонии аз гуфтугӯҳои сулҳ ва фишори бештар бар Русия дар сурати идомаи ҷанг эълон карданд.

Андаке пеш аз ин сафар, сарони ин 4 кишвар, яъне Макрон (раиси ҷумҳури Фаронса), Мертс (сарвазири Олмон), Туск (нахуствазири Лаҳистон) ва Стармер (нахуствазири Англия), баёнияи муштараке мунташир карданд ва дар он Русияро ба тавофуқ бо оташбаси фарогир ва бидуни шарти 30-рӯза барои омода кардани шароит барои оғози музокироти ҷиддии сулҳ даъват карданд.