Китоби «Тарҳи куллии андешаи исломӣ дар Қуръон», моҳасал(натиҷаи)-и суханрониҳои имом Хоманаӣ, Раҳбари инқилоби исломӣ ба тозагӣ аз сӯи ройзании фарҳангии Ҷумҳурии Исломии Эрон дар Бангладеш ба забони банголӣ, тарҷума ва мунташир шуд.
Ба гузориши Порс Тудей, ин асари арзишманди тавассути Муҳаммадисо Шаҳидӣ, устоди забони форсии донишгоҳ ва олими динии шинохта шудаи аҳли суннати Бангладеш тарҷума шудааст. Вай дар ҳавзаи тарҷумаи китоб аз забони форсӣ ба забони банголӣ дорои собиқа ва таҷрибаи тӯлонӣ аст ва тарҷумаи чандин асарро дар корномаи худ дорад.
Ношири ин асар низ интишороти Малтилинк бо мудирияти Мустафо Тариқ Ал Ҳасан аст, ки дар соли 2000 таъсис шуда ва дар ҳавзаи чопу нашри китоб дар Дакка шинохта шудааст.
Гуфтанист, ин китоби «Тарҳи куллии андешаи исломӣ дар Қуръон», силсила ҷаласоти имом Хоманаӣ, Раҳбари инқилоби исломӣ бо мавзӯи андешаи исломӣ дар Қуръон аст. Ин силсила ҷаласотро метавон як бозтаърифи дубора бар мафоҳими асосии дин донист. Тафсире ширину ҷаззоб аз дин, ки солиёни сол ба фаромӯшӣ супурда шуда буд ва чеҳрае талху ақибмонда аз дин дар азҳон ба ҷо гузошта буд.
Мабоҳиси эшон дар чаҳор сарфасли имон, тавҳид, набувват ва вилоят матраҳ гардидааст ва талош намудаанд устувонаҳое, ки дин бар онҳо устувор мегардад ва ғоити тамоми эътиқодоту аъмоли динӣ ҳастанд, ба шакли комил тавзеҳу тафсир намоянд. Вижагии муҳими ин мабоҳис ба ҳампайвастагии тамоми ин усӯл бо якдигар аст.
Баргузории ҳамоиши “озодии Қудсу Фаластин дар гарави истимрори муқовимат”
Хабари дигар инки рӯзи ҷумъа ҳамоише бо унвони «Озодии Қудсу Фаластин дар гарави истимрори муқовимат», тавассути ройзании фарҳангии Ҷумҳурии Исломии Эрон бо ҳамкорӣ ва мушорикати кумитаи “Ал Қудс”-и Бангладеш дар донишкадаи улӯмиинсонии Донишгоҳи Дакка баргузор шуд. Нақиб Муҳаммад Насруллоҳ, раиси Донишгоҳи исломии Бангладеш ба унвони меҳмони вижаи ин ҳамоиш, гуфт, танҳо кишвари мусулмоне, ки аз Фаластин ҳимояти комил мекунад, Ҷумҳурии Исломии Эрон аст.
342/
Your Comment