Ҷангандаҳои амрикоӣ тайи 24 соати гузашта 72 бор манотиқи Санъо, Саъда, Умрон, Маариб, Ал Ҷавф ва Ал Ҳудайдаи Яманро бомбаборон карданд.
Ба гузориши Порс Тудей ба нақл аз ИРНА, ҷангандаҳои Амрико бомдоди рӯзи гузашта (ҷумъа) низ дар мавҷи ҷадиди ҳамалоти худ ба ин кишвар, фурудгоҳи байналмилалии Санъоро бомбаборон карданд ва чанд минтақа дар устони Саъда дар шимоли Яман низ панҷ бор мавриди ҳамла қарор гирифт.
Пойгоҳи хабарии Ансоруллоҳ низ гузориш дод, ки дар ҳамалоти ҳавоии Амрико ба Санъо, пойтахт ва устонҳои дигар, ки ҷумъашаб нҷом шуд, як нафар ба шаҳодат расид ва чаҳор тани дигар маҷрӯҳ шуданд.
Амрико ва Англия дар ҳимоят аз режими саҳюнистӣ аз моҳи гузашта иқдом ба ҳамалоти ҳавоӣ алайҳ Яман карданду манотиқи маскӯнӣ ва марокизи ғайринизомии ин кишварро ҳадаф қарор доданд.
Дафтари сиёсии ҷунбиши Ансоруллоҳи Яман дар баёнияе ҳамалоти ҳавоии Амрико ва Англия ба маҳаллаҳои маскӯнии шаҳри Санъоро як иқдоми хасмона ва ҷинояткорона донист.
Дар ин пайванд, неруҳои мусаллаҳи Яман низ таъкид кардаанд, ки ба муқобила бо таҷовузи Амрико ва ҷилавгирӣ аз убӯри киштиҳои режими саҳюнистӣ то таваққуфи комили таҷовуз ба Борикаи Ғазза ва поёни муҳосираи ин минтақа идома хоҳанд дод.
342/
Your Comment