Нишасти ҳамандешии ҳамбастагӣ бо мардуми мазлӯми Фаластин рӯзи ҷумъа ба муносибати Рӯзи ҷаҳонии Қудс дар сафорати Эрон дар Чин баргузор шуд.
Ба гузориши Порс Тудей, дар ин маросим Муҳсини Бахтиёр, сафири Эрон дар Чин бо гиромидошти мақоми шуҳадои Ғазза ва тамҷид аз муқовимати мардуми Фаластин дар баробари таҷовузҳои режими Исроил гуфт: Давлатҳои мунсифу адолатхоҳ ҳамчун Чин аз ҳамон ибтидои шурӯи таҷовузоти режими саҳюнистӣ алайҳи мардуми Фаластин, нисбат ба ҳуқуқи мардуми Фаластин беэътино набуда ва тайи якуним соли гузашта талошҳо ва ибтикороти мутанаввиеро барои кумак ба поёни хушунатҳо ва дифо аз мардуми бепаноҳи Фаластин ба кор гирифтаанд.
Вай афзуд: Ҷумҳурии Исломии Эрон дар канори кишварҳои ҳамсӯ ва мудофеъи ҳуқуқи миллати Фаластин, тамоми тавону зарфияти худро барои таҳаққуқи ормони миллати Фаластин ба кор гирифта ва аз ҳеҷ кӯшише барои муқобила бо дасисаҳои режими саҳюнистӣ фурӯгузорӣ накардааст.
Омодагии Чин барои ҳамкории дарёӣ бо Эрон
Хабари дигар инки Ву Тсян, сухангӯи вазорати дифои Чин рӯзи панҷшанбе ва бо ишора ба размоиши мураккаби камарбанди дарёии 2025, ки ахиран баргузор шуд, гуфт, ки артиши Чин омодааст то ҳамкории дарёӣ бо Эрону Русияро иртиқо бахшад. Гуфтанист, Эрон, Русия ва Чин тайи рӯзҳои нуҳум то сездаҳуми марти 2025 размоиши дарёиро дар минтақаи Чобаҳори Эрон баргузор карданд.
342/
Your Comment