Иттиҳоди иқтисодии АвруОсиё бо 20 миллион километри мураббаъ масоҳат ва бо беш аз 183 миллион нафар ҷамъият, бозоре ҷаззоб дар минтақа маҳсуб мешавад.
Ба гуфтаи коршиносон, ончӣ ки бештар ба ин иттиҳодия ҷойгоҳ ва мавқеият мебахшад, тавваҷуҳ ба минтақаи АвруОсиё ба унвони ҳортланди ҷаҳонӣ аст. Ба ин маъно ки ҳар кишваре бар ин минтақа мусаллат бошад, ба далели шароити мумтози иртибототи ҷаҳонии он, бар бахше қобили тавваҷуҳ аз тиҷорати ҷаҳонӣ ҳукмфармо хоҳад буд.
Аз рӯзи панҷшанбеи гузашта Ҷумҳурии исломии Эрон расман ба узвияти нозир дар Иттиҳоди иқтисодии АвруОсиё даромад.
Санади марбут ба узвияти нозири Ҷумҳурии исломии Эрон дар Иттиҳоди иқтисодии АвруОсиё рӯзи панҷшанбе дар поёни нишасти Шӯрои олии ин иттиҳодия, ки бо ҳузури Сайид Муҳаммади Атобак, вазири санъат, маъдан ва тиҷорати Эрон дар Санкт-Петербург баргузор шуд, тавассути сарони кишварҳои узв имзо шуд.
Бар асоси эъломи коршиносон, ҳузуру мушорикати Эрон дар Иттиҳоди иқтисодии АвруОсиё, зимни кумак ба иқтисоди минтақа, тиҷорати мутақобили кишварҳои узвро беш аз пеш тақвият хоҳад кард. Пеш аз ин низ бисёре аз сиёсатмадорону коршиносони масоили минтақа, ҳузури Эрон дар Иттиҳоди АвруОсиёро бисёр дорои аҳамият қаламдод карда буданд.
Илова бар тавоноии билфеъли иқтисодиву энержӣ, Эрон аз тавони ғайриқобили бадиле барои эҷоди иртиботи кишварҳои ҳавзаи Иттиҳоди иқтисодии АвруОсиё бо бозорҳои ҷаззоби ҷаҳонӣ, аз ҷумла халиҷи Форс, шибҳи қораи Ҳинд ва ҳавзаи кишварҳои уқёнуси Ҳинд то Шарқу ҷанубишарқи Осиё бархӯрдор аст.
Аз ин рӯ, Ҷумҳурии исломии Эрон иҷрои тавофуқномаи тиҷорати озод бо Иттиҳоди АвруОсиё ва касби мавқеияти нозир дар ин иттиҳодияро таҳаввуле мусбат дар ҷиҳати густариши ҳамкориҳо ба соири ҳавзаҳо, аз ҷумла ҳамлунақлу транзит ва низ амнияти энержӣ медонад.
Бо узвияти расмии Эрон дар Иттиҳоди иқтисодии АвруОсиё ба унвони нозир, панҷарае рӯ ба бозори бузурги 800 миллиарддолларии ин иттиҳодия барои фаъолони иқтисодии Эрон кушода шуд.
342/
