Мао Нин, сухангӯи вазорати хориҷаи Чин бо ишора ба баёнияи ахири Юрий Ушаков, дастёри аршади раисиҷумҳури Русия, дар бораи фаъол шудани шарокату ҳамкории 9 кишвари дигар дар гуруҳи «БРИКС» таъйид кард, ки аҳаммияти БРИКС ба унвони бистаре барои тақвияти ҳамкорӣ ва ваҳдат миёни кишварҳои ҷануби ҷаҳонӣ ба таври чашмгире афзоиш ёфтааст.
Ба гузориши Порс тудей ва ба нақл аз ИБИНО, сухангӯи вазорати хориҷаи Чин афзуд, густариши намояндагии БРИКС ва афзоиши нуфузи он, онро ба бистаре бузург барои ҳамкориҳои байналмилалӣ табдил кардааст.
Дар таърихи 1 январи 2025, Беларус, Боливия, Индонезия, Қазоқистон, Кубо, Малайзия, Таиланд, Уганда ва Узбекистон ба унвони кишварҳои шарики БРИКС шинохта хоҳанд шуд.
Ба гузориши Порс тудей ба нақл аз Шабакаи байналмилалии телевизионии БРИКС (TV BRICS), Юрий Ушаков ин хабарро дар як нишасти хабарӣ эълом кард. Вай изҳор дошт, ки ин кишварҳо омодагии худро барои дарёфти чунин вазъияте муҷаддадан таъйид кардаанд. Ӯ ҳамчунин афзуд, ки Маскав мунтазири посух аз чаҳор кишвари дигар аст. Кишварҳои шарик метавонанд пешниҳодоти худро ироа диҳанд, аммо дар фароянди тасвиби асноду раъйгирӣ ширкат нахоҳанд кард. Кишварҳои узви БРИКС дар “эъломияи Козон”, ки дар нишасти шонздаҳуми БРИКС ироа шуд, аз шеваҳои ин дастабандӣ, ҳимоят карданду алоқамандии соири кишварҳо ба узвият дар ин гуруҳро мавриди истиқбол қарор доданд. Дар ин нишаст феҳристе аз кишварҳое, ки ба унвони шурако даъват шуданд, ба тасвиб расид.
342/
