Шайх Наим Қосим: Ҳамлаҳои мушакӣ посух ба поймол кардани оташбас буд / Сабри мо маҳдуд дорад

Бар гузориши хабаргузории байналмилалии Аҳли Байт (а) – Абно – Шайх Наим Қосим, дабири кулли Ҳизбуллоҳ, шомгоҳи чоршанбе гуфт, ки ин ҳаракат дар посух ба поймолкунии Исроил дар Лубнон дар 15 моҳи гузашта пас аз иҷро шудани тавофуқи оташбас дар охири ноябри гузашта, ба Исроил мушак партофтааст.
Дабири кулли Ҳизбуллоҳ дар суханронии видеоии худ илова кард, ки сабри ин ҳаракат ҳадду марз дорад ва зиёдатии душмани исроилӣ хеле зиёд шудааст.
Ӯ идома дод, ки Ҳизбуллоҳ ба тавофуқи оташбас вафодор буда ва барои он ки ба коргузорӣ дар раванди дипломасия муттаҳам нашавад, ба ҳамлаҳои такрории Исроил посух надодааст, ҳол он ки Исроил ба яке аз бандҳои тавофуқ вафодар набудааст.
Дабири кулли Ҳизбуллоҳ дар бораи оқибатҳои ҳамлаҳои охирини Исроил ба Лубнон гуфт, ки ин ҳамлаҳо аҳлии зиёда аз 85 деҳа ва шаҳракро кӯчонд ва амвол ва марказҳои сандуқи «Қардулҳасан»ро вайрон кардааст. Аз замони имзои тавофуқи оташбас зиёда аз 10 ҳазор ҳолати поймолкӣ сабт шудааст ва зиёда аз 500 шаҳрванд дар ҳамлаҳои Исроил аз он замон то имрӯз, шаҳид шудаанд.
Шайх Наим Қосим таъкид кард, ки то замоне ки ишғоли Исроил идома дорад, муқовимат ҳақи ҳақиқӣ аст.
Ӯ инчунин гуфт, ки вазифаи Ҳизбуллоҳ, боздоштани ин роҳи хатарнии идомаи таҷовузи исроилӣ – амрикоӣ аст ва Исроил, хатаре вуҷудӣ барои мо, мардуми мо, кишвари мо ва тамоми минтақа аст.
Вай илова кард, ки масъала дар силоҳи Ҳизбуллоҳ нест, балки дар ишғалгарӣ ва поймулкунии давомдори соверенитети Лубнон аст.
Дабири кулли Ҳизбуллоҳ идома дод, ки Исроил дар пайи густариши қаламрав аст ва Бенямин Нетаняҳу нахуствазири он, кӯшиши худро барои эҷоди Исроили бузург эълон кардааст.
Шайх Наим Қосим аз ҳукумати Лубнон низ интиқод кард ва гуфт, ки ин ҳукумат бо кӯшиш барои таслиҳи силоҳи Ҳизбуллоҳ бо талаботҳои Исроил ҳамсӯ шудааст ва қарорҳои ҳукумати Лубнон дар августи соли 2025 ба таҷовузи Исроил ба Лубнон, шаръият додааст.
Ҳизбуллоҳ пештар чанд ҳадафро дар Исроил бо мушак ва паррадор ҳадаф қарор дода буд ва инчунин мошинҳо ва нерӯҳои исроилӣро дар тарафи дигари марз ҳамла карда буд, ки камаш ба захмолуд шудани ду сарбози исроилӣ анҷомид.